ආහාර

දියවැඩියා රෝගියෙකුගේ ප්‍රතිකාර අතරින් ආහාරය ඉතාමත් වැදගත් ස්ථානයක් ගනී. ඔබේ ආහාර වේල පවුලේ අන් අයගේ ආහාර වේලෙන් විශාල වෙනසක් සිදුවිය හැක. ඔබගේ සිරුරේ නිසි බර රැකගන්න. බර අධිකකම දියවැඩියා රෝගී තත්වය පාලනය කිරීමට බාධාවක් වේ. මේනිසා තම බර අවශ්‍ය ප්‍රමාණයට තබා ගැනීම ඔබගේ රෝගී තත්වය පාලනය කිරීමට මහත් ලෙස උපකාරි වේ.
ඔබ ඉන්සියුලින් ඖෂධය භාවිතා කරන්නේ නම්, ඔබගේ ආහාර වේලේ ක්‍රමවත් සැලැස්මක් ඇතිව පවත්වා ගැනීම ඉතාම අත්‍යවශ්‍යය. නියමිත වේලකට ආහාර ගැනීම ඉතාමත් වැදගත් වේ.ඒ අතරම ප්‍රධාන වේල් තුනකට අමතරව සැලැස්මක් ඇතිව සකස් කල අමතර වේල් දෙකක් තුනක් යොදා ගැනීම ඉතා වැදගත් වේ.
කෙසේ වෙතත් සෑම දියවැඩියා රෝගියෙකුම ප්‍රධාන වේල් තුනෙහි ගන්නා ආහාර ප්‍රමාණය අඩු කර අමතර වේල් දෙකක් හෝ තුනක් යොදා ගැනීම රෝගය පාලනය කර ගැනීමට බෙහෙවින් උපකාරී වේ.(අමතර වේල් සඳහා පළතුරු/ සීනි අඩංගු නැති බීම වර්ග/ සීනි රහිත බිස්කු වර්ග කුඩා පීාන වලින් ගත හැක).

ඔබගේ දිනපතා ආහාර වේල පිළියෙල කර ගැනීමේදී උපකාරවන අදහස් කිහිපයක්

ඔබේ ආහාර වේලෙන් ඈත් කරගත යුතූ ආහාර වර්ග:

සීනි අධික ආහාර වර්ග ගැනීම අඩු කරන්න:

මෙම ආහාර වර්ග ශරීරයට ඉතාමත් ඉක්මනින් උරාගනි.මේ නිසා රුධිරයේ සීනි මට්ටම ඉතා ඉක්මනින් ඉහල යයි.
සීනි, ග්ලුකෝස්, රසකැවිලි, පැණි, ජෑම්,
කේක් වර්ග, ටොපි, චුයින්ගම්,චොකලට්,
මේල්ටඩ් කිරි වර්ග, පැණි රස බීම වර්ග
ටින් කළ පළතුරු වර්ග, වියලි පළතුරු වර්ග,
උකු කළ කිරි වර්ග, හකුරු (කිතුල්), සිරප් වර්ග
අයිස්කීම්, බිස්කට් වර්ග, ජෙලි වර්ග හා පුඩින් වර්ග මධ්‍යසාර


තෙල් සහිත ආහාර වර්ග ගැනීම අඩු කරන්න:

තෙල්සහිත කෑම ගැනීම අඩු කිරීමෙන් ඔබේ සිරුරේ බරෙහි මනා පාලනයක් ඇති කළ හැකි අතර, ඔබ හෘද රෝග වලට ගොදුරු වීමේ අවධානම අඩු කරයි.

සීමිත ප්‍රමාණයකින් ගත යුතු ආහාර

ධාන්‍ය වර්ග :-
බත්, ඉඳිආප්ප, ආප්ප, පිට්ටු, උඳු, තෝසේ, ඉට්ලි, වඩේ, සව්.

අල වර්ග :-
අර්තාපල්, බතල, මඤ්ඤොක්කා, ගහල, කිරි අල, කැරට්, බීට් රූට්, ඉන්නල, දන්දිල, පරිප්පු, මුං ඇට, කඩල, කව්පි, උඳු, සෝයා බෝංචි

පිටි සහිත එළවළු වර්ග සහ පළතුරු වර්ග :-
අළු කෙසෙල්, කොස් සහ කොස් ඇට, දෙල්

මේද අධික ආහාර :-
හරක් මස්, ඌරු මස් සහ එයින් සාදන ලද ආහාර, කුකුල් මස් සහ වෙනත් මස් වර්ග, බිත්තර කහමද, බටර්, මාජරින් සහ තෙල් වර්ග

පැණි රස නොයෙදූ පළතුරු යුෂ :-
රට දෙහි, දොඩම්, වැල් දොඩම්

පළතුරු :-
පැපොල්, කෙසෙල්

වෙනත් දෑ :-
කජු, රටකජු, ඉස්සන්, කකුළුවන්, පොකිරිස්සන් සහ දැල්ලන්, වයින් සහ ස්ප්‍රිත්තු වර්ග


ඔබේ ආහාර වේලට වැඩියෙන් එක්කර ගත යුතු ආහාර

කරවිල වලට ස්වල්ප වශයෙන් රුධිරයෙහි සීනි මට්ටම පහත හෙලිය හැකි බව සොයා ගෙන ඇත.
මීට අමතරව කෙඳි සහිත ආහාර වැඩිපුර ගැනීමට පුරුදු වන්න. මෙම වර්ගයේ ආහාර ඔබගේ සිරුරට උරාගනුයේ ඉතා සෙමිනි.මේ නිසා දියවැඩියා රෝගීන්ට මෙය ඉතාමත් යෝග්‍ය වේ.

කෙඳි සහිත ආහාර වර්ග :-
මාංශ බෝග එනම් මුං ඇට, කව්පි, බෝංචි, පරිප්පු, උඳු, කඩල,

නිවුඩු සහිත හාලේ බත් සහ එවැනි හාල් පිටි වලින් සාදන කෑම,

කොළ වර්ග සහ එලවළු වර්ග

නොපෑහූ ධාන්‍ය වර්ග සහ එවැනි පිටි වලින් සාදන කෑම (කුරක්කන්, ඉරිඟු, මෙනේරි, බාර්ලි, තණහාල් ආදිය.), පළතුරු පිට පොත්ත සමඟ ආහාරයට ගත හැකි: පේර, නෙල්ලි, වෙරළු වැනි ආහාර වඩාත් යෝග්‍ය වේ.

මෙය සැකසීමේදි මහනුවර මහ රෝහලේ වකුගඩු රෝග/ වකුගඩු බද්ධ කිරීමේ අංශය, නිකුත් කළ දියවැඩියා පිළබඳ පත්‍රිකාවන් බෙහෙවින් උපකාරීවිය.

ආපසු යන්න